ମିନତି ଘେନ(୧୭୪) – ରଞ୍ଜନ କୁମାର ପଣ୍ଡା

Views: 23
1 0
Read Time:1 Minute, 51 Second

 

ଶେଷ ଇଛା ମୋର ପୂର୍ଣ୍ଣକର ପ୍ରଭୂ
ମାଗୁଣି ମୋ ବାର ବାର
ତୁମରି ଦୁଆରୁ ଉଠିବ ମୋ ଶବ
ସିଧା ଯିବ ସ୍ୱର୍ଗ ଦ୍ୱାର ।

ବଡ଼ଦାଣ୍ଡ ମୋର ହେବ ଶେଷ ଖେଳ
ଜୀବନର ଶେଷ ଯୁଦ୍ଧେ
ସ୍ୱର୍ଗଦ୍ୱାରେ ଜୁଇ ଜଳିବ ମୋହର
ଆତ୍ମା ପରମାତ୍ମା ମଧ୍ୟେ ।

ଶେଷ ସନ୍ତକ ମୋ ତୁମ ସିଂହଦ୍ୱାର
ଜୀବନର ଶେଷ ପୁଣ୍ୟ
ସେହି ଠାରୁ ଶବ ଉଠିଲେ ମୋହର
ଜନମ ମୋ ହେବ ଧନ୍ୟ ।

ପାପ ପୁଣ୍ୟ ଖେଳ ଅନେଜ ଖେଳିଛି
ଭବରଙ୍ଗ ଭୂମି ତଳେ
ପୁଣ୍ୟର ହିସାବ ରଖିନାହିଁ କେବେ
ରହି ପାପୀ ଜନ ମେଳେ ।

ତୁମେ ଭାବଗ୍ରାହୀ ଜାଣିଅଛ ସବୁ
ମୋ ଜୀବନ କର୍ମ ମାନ
ଶେଷ ଇଛା ମୋର ରଖ ମହାବାହୁ
ମିନତି ମୋହର ଘେନ  ।

ରଞ୍ଜନ କୁମାର ପଣ୍ଡା
କୋରାପୁଟ

Share this :
Next Post

ନିଳବର୍ଣ୍ଣ ମୁଁ - ଶ୍ରୀ ପ୍ରିୟରଞ୍ଜନ ସାହୁ

ମୁଁ ରେ ଅର୍ଥ ମୁଁ ରେ ଅନର୍ଥ ଅର୍ଥ ରେ ଭରେ କଦର୍ଥ ଉତ୍ତର ଉର୍ବରେ କରେ ପ୍ରଶ୍ନବାଚୀ ଗର୍ତ୍ତ…!!! କର୍ମ ଘେନି ଫଳ ଜାଣିବା ସତ୍ତ୍ଵେ କୃତ କର୍ମ ସବୁ ନିଜ ମର୍ଜି ମତେ ପରିତ୍ରାଣେ ଈଶ ଆସି କି ଲାଭ? ସର୍ବେ ରଖି ସଡ ରିପୁ ରେ ଲୋଭ,।। ରୂପ ଲାବଣ୍ୟ ତ ନିମିତ୍ତ ମାତ୍ର ଚିର ରୋଗେ ରୁନ୍ଧା ଶରୀର ଗାତ୍ର… ତେଜ ଅହମିକାର ‘ମୁଁ […]

Subscribe US Now